Бөгөн Башҡортостандың халыҡ шағиры Рауил Бикбаевтың тыуыуына 82 йыл. Ошо айҡанлы Өфөнөң мосолман зыяратында әҙипте иҫкә алыу сараһы үтте, уның ҡәберенә сәскәләр һалынды. Церемонияла БР мәҙәниәт министры урынбаҫары Р.Р. Алтынбаев, БР Яҙыусылар союзы рәйесе З.А. Әлибаев, шағирҙың ғаилә ағзалары, яҙыусылар, Рауил Бикбаевтың ижадын һөйөүселәр, яҡташтары, БР Милли әҙәбиәт музейының филиалдар менән эшләү бүлеге мөдире А.Р. Вәлиев ҡатнашты.